У МІНІСТЭРСТВЕ ПРАДСТАЎЛЕНЫ НОВЫЯ КІРАЎНІКІ
29 красавіка Міністр аховы
здароўя Аляксандр Хаджаеў прадставіў калектыву Міністэрства аховы здароўя і
падведамасным структурам першага намесніка міністра Юрыя Горбіча, намесніка
міністра Аляксандра Старавойтава, намесніка міністра - галоўнага дзяржаўнага
санітарнага ўрача Святлану Нячай.
Міністр паставіў перад
кожным з новых кіраўнікоў задачы па напрамках. Аляксандр Хаджаеў таксама
нагадаў аб пераемнасці работы ў камандзе і неабходнасці інтэграцыі намаганняў
арганізацый аховы здароўя. "У гэты Год якасці ўся ваша работа і прапановы
павінны быць накіраваны на тое, каб нашы пацыенты адчулі якасць і эфектыўнасць
медыцынскай дапамогі ў Беларусі", - адзначыў ён.
Кіраўнік ведамства
таксама падкрэсліў, што Алена Краткова і Аляксандр Тарасенка, якія пакінулі
сёння свае пасады, застануцца працаваць у сістэме.